Oct 1, 2011

حسافه عليك يا كويت

اليوم و بعد صلاة الفجر ماقدرت انام فقررت اروح البحر العب رياضة دام انه الجو حلو.و فعلا و صلت للمرينا كرريسنت و بديت ركض،و بما اني على البحر المفروظ الهوا نظيف و نقي و لكن كل 5 دقايق اتشم ريحه اللهم يا كافي..بحرنا صار مجاري والله حرام..لا و الرمل و الله شي ابكي شفت عايله قاعدين و ابنيتهم تلعب بالرمل!!!!مافيها شي ....صح؟؟ بس اذا الرمل مغطى بطبقة ،و انتوا بكرامه، زباله اصير فيا شي حرام جذي ليش قاعد انوصخ ديرتنا . ترضى احد اقط زقارته بحديقة بيتكم؟؟؟؟ترضون واحد ينزل من سيارته و افرغ زبالت السياره بصالة بيتكم؟؟ طبعا مانرضى ،بس ليش نرضى انوصخ بيتنا العود ،ديرتنا حشاشة اليوف الكويت؟؟؟؟؟؟
Published with Blogger-droid v1.7.3

2 comments:

  1. والله هالكلام الحلو ما يطلع الا من شخص يحب هالديره .. بس عندي ملاحضة صغيره واتمنى انها ما تنوخذ على نظره العنصرية .. البحر بالسالمية واي مكان تروحلة خلال ايام العطلة بعد السبع بليل راح تلقاه زحمة كله جاليات و اخوانا السوريين والمصريين وانا اشوف كويتين ايضا لكن الاحظ انه الجاليات غير مهتمين بالنظافه بعد ان ينتهون من الشوي ولا القعده على البحر تلقاه شال الزل وشال عياله ومشى وخلى وراح تكرم كل ما هو منتهي منه مثل الزباله والاكل الزايد والكياس .. بصراحة شغله تحرق القلب لكن ما اقدر اقول الا لا حول ولا قوه الا بالله .. حتى لو نقول يا غريب كن اديب فالغريب بهالديره عارف موضوع هالديره الي معتمده بالنظافه بالشوارع بالدرجة الاولى على العماله الخارجية وكل الكراف عليهم فألأخوان الي يقعدون على البحر يعتمدون عليهم لكن ديره ما فيها قانون يمنع ترك النفايات على البحر .. القانون موجود ولكن المعروف انه لا يتم تفعيله بجديه واستخدامه فقط وضع لوحة بمكان مهجور على طرف البحر تنبة على عدم رمي النفايات ... بخاطري كلام واجد بهالموضوع لكن مابي اطول عليك ويعطيك العافيه

    ReplyDelete
  2. ماقصرت و كلامك عين العقل و صحيح ١٠٠٪ للأسف إحنا الي امسيبينها بس لو يتفعل القانون كان التزموا الناس و الله انها شغلة تحرق القلب..والحملات لتنظيف الشواطئ مانستفيد منها اذا ماكان في وعي عند الناس.
    شاكر لك تواصلك و الله يحفظ هل الديرة و اهلها

    ReplyDelete

Translate