Oct 20, 2011

صبحكم الله بالخير و الصحه و السعادة مع إني متضايق من الي شفته..
 أنا ما لي ميول سياسية و سياستي الوحيده حب هذه الديره و آنا مو ضد التجمعات و الندوات الي اسونها التكتلات السياسية و نواب مجلس الأمه فالكويت بلد الحرية و الديمقراطية. بس الواحد ينقهر لما تقام ندوه أو تجمع كل الي فيه رافعين شعار حب الكويت و الخوف على الكويت و مصلحة الكويت , و انا ما أشكك في كلامهم, و لكن الي انشوفه بعد هذه التجمعات يتناقض مع الي يقولونه؟؟ الي يمر الصبح على ساحة الإراده و الله ينصدم من الي بشوفه لو كل واحد من الي احضروا التجمع شال الوصخ الي عنده و قطه بسلال الزباله,الي كانت فاظية, كان انظفت ساحت الإراده في أقل من خمس دقايق.
أنا لاني مع فلان و ضد فلان انا مثل ما قلت ما لي بالسياسه, انا كويتي و أحب هذه الأرض الي ربيت و راح أموت أنشاءالله عليها.
و شكر خاص لإختي
AMA TRAVLR
على حبها و غيرتها على هذه الأرض و هذه مو غريبة على عيال الكويت
و مشكورة على الصور و إثارة هذا الموضوع





3 comments:

  1. حبيب قلبي بوسليمان هالمشاعر والأحاسيس اشاركك فيها واوافقك فيها وحبنا للوطن ما يبدله ثمن واللي يصير بالبلد يعور القلب شيبان وشباب تجمدوا بلا حراك يناظرون تساقط اوراق شجرك ياوطن ولكن الى متى سوف نعيش لنرى , ياكويت مشتاق لريحة القصيع على يالج ,ياكويت تربينا كلنا بمدارسنا ولميتينا باحضانج , ياكويت لا تموتين ترى نموت كلنا وياج,ياهل الكويت لا تنسون 2-8-1990 ياكويتيين لا تنسون بابا جابر وبابا سعد وعاونوا بابا صباح , ياكويتيين خافوا الله ترا النعمة زوالة ديروا بالكم على ديرتكم وبدلوا السيئ بالزين واعلامنا خلوه يتروض ويوقف بس......خلاص بسكم فضايح ...... كفاية.....

    ReplyDelete
  2. نسيت اسمي/سليمان الخشتي

    ReplyDelete
  3. حبيب يا بوحسين
    و هذه مو غريبة عليك إحنا ربينا مع بعض و حبنا و غيرتنا لهذه الأرض انزرع فينا من الصغر ياريت عيال عالوقت إشوفون الي نشوفه و احسون بلي نحسه لأنهم كل الي يهمهم مصالح شخصية و ماعاد اهمهم مصلحت الكويت

    ReplyDelete

Translate